Este 2013 o CGAC celebra o seu vixésimo aniversario, dúas décadas de exposicións, conferencias, performances, cine, talleres... Vinte anos que compartimos con artistas, comisarios, críticos, compañeiros e amigos que pasaron polo noso centro. Ao longo deste ano ímolo conmemorar con diferentes iniciativas que serán difundidas tanto desde esta web como desde as nosas contas nas redes sociais.

Comezamos convidándovos a participardes na convocatoria O teu CGAC en imaxes ou a visitar o apartado Lembra... na nosa páxina de Facebook  e Twitter.

16 - 18 maio

Para celebrar o Día Internacional dos Museos diferentes museos da cidade compostelá organizan actividades de xeito conxunto. Dentro desta programación, o CGAC inicia unha nova edición do ciclo Música e arte. Correspondencias sonoras, que comezará o xoves 16 de maio, e comparte co Museo do Pobo Galego o espectáculo de danza Dous espazos, tres movementos o sábado 18 de maio.

7 maio - 11 xuño

Novas citas dentro do ciclo de visitas guiadas conducidas por profesionais do ámbito cultural e artístico para as exposicións Miguel Palma: Desconforto moderno e Colección CGAC: adquisicións e incorporacións recentes.

30 abril

O CGAC acolle a presentación do  documental The Ghost of Piramida, unha película de Andreas Koefoed sobre a visita que o grupo danés Efterklang realizou en Piramida, preto do Polo Norte, para crear o seu último disco.

A partir das 20.30 h. Entrada de balde até completar a capacidade do auditorio.

28 abril

Con motivo do Día Internacional da Danza, o CGAC acolle Comunicando, unha proposta da compañía danzaUSCompostela. O espectáculo quere pór de relevo o paradoxo existente na comunicación entre persoas no contexto actual de hiperconexión virtual e trata sobre como xestionamos a información coa que somos bombardeados a diario. Esta proposta está enmarcada no proxecto Asaltos da danza, un proxecto da rede Danza-T que combina a danza e as artes plásticas en diferentes centros de arte contemporánea.

23 - 26 abril

“Convido a todos os estudantes a desenvolver ideas e a poñelas en práctica, antes de que sexa tarde”. Miguel Palma

O taller comezará cunha visita á mostra que acolle o CGAC, Miguel Palma. Desconforto moderno, en compañía do propio artista. Logo de percorrer as salas de exposición, propiciarase unha conversa arredor de diversos conceptos e puntos de vista sobre a arte contemporánea. Os participantes poderán facer a súa propia peza artística —de xeito individual ou en grupo— coa axuda de Miguel Palma, mais sen directrices técnicas nin estéticas. As pezas resultantes, poderán ser expostas no Espazo de Proxectos do CGAC.

22 marzo - 16 xuño

The Mind on Fire é a primeira exposición institucional en España do artista estadounidense James Welling (Hartford, Connecticut, 1951). A mostra, que comprende arredor de cento cincuenta obras, recrea algunhas das principais exposicións de Welling nos setenta e nos oitenta e reflicte a evolución da súa linguaxe abstracta e a súa experimentación cos efectos fotográficos. 

Exposición organizada en colaboración con MK Gallery, Milton Keynes, y Contemporary Art Gallery, Vancouver.

8 marzo - 26 maio

Miguel Palma (Lisboa, 1964) aprópiase das formas e do fluxo narrativo dunha modernidade en continua mutación interpretativa para traballar con conceptos como a dexeneración, o fracaso ou o progreso.

II CICLO DE TALLERES DE ARQUITECTURA

13 abril

PRAZAS ESGOTADAS

O CGAC continúa a desenvolver o proxecto Sen moverte do sofá (idea orixinal de Arquitectives), un ciclo de talleres de arquitectura que pretenden dar a coñecer aos asistentes diferentes cidades coa axuda doutros compañeiros do territorio español que, coma eles, participan no proxecto.

1 marzo - 16 xuño

Nun exercicio de transparencia institucional, esta exposición presenta unha selección das obras adquiridas recentemente para a colección permanente do CGAC ou incorporadas aos fondos do centro a través do depósito da Colección Fundación ARCO.

O CGAC (Centro Galego de Arte Contemporánea) compra en ARCO un total de sete obras ás tre galerías galegas presentes na feira e outras galerías de Portugal e América Latina por un valor aproximado de 40.000 €.

xaneiro - marzo

Arrancan novas citas do ciclo de visitas guiadas conducidas por profesionais do ámbito cultural e artístico os martes ás 19 horas.

23 febreiro

PRAZAS ESGOTADAS

O CGAC continúa a desenvolver o proxecto Sen moverte do sofá (idea orixinal de Arquitectives), un ciclo de talleres de arquitectura que pretende dar a coñecer aos asistentes diferentes cidades coa axuda doutros compañeiros do territorio español que, coma eles, participan no proxecto.

25 xaneiro

Este venres, 25 de xaneiro, entre as 11 e as 13.30 horas celebraremos un taller experimental de arquitectura en colaboración co COAG (Colexio de Arquitectos de Galicia) e Asociación de Pais de Persoas con Transtorno de Espectro Autista.

16 novembro 2012 - 10 marzo 2013

Igual que o cine ou a prensa, a música pop e a rock tampouco non deron escapado da acción da censura. Pero, a diferenza destes, a represión intensificouse xusto cando a ditadura estaba a iniciar unha tímida apertura. O franquismo foi consciente do papel que a música xogara nas revoltas internacionais dos sesenta e tentou limitar o seu alcance nunha España cada vez máis desenvolvida e cosmopolita.

9 febreiro

O auditorio do CGAC acollerá o Foro DAG: propostas de avance para o deseño, unha iniciativa da Asociación Galega de Deseñadores dirixida a todas as persoas interesadas no deseño e no papel que este debe xogar na sociedade actual.

 

 

27 decembro - 4 xaneiro

Coa chegada do Nadal, o CGAC propón varios talleres de creación artística para nenas e nenos de 6 a 9 anos, nos que poderán explorar e experimentar a natureza a partir da exposición do artista Fernando Casás, o agora xa foi e o denantes será. A artista e educadora Paula Pellón, guiará os grupos na busca de expresións persoais e procesos artísticos coa natureza como inspiración, material de traballo e marco de acción.

21 e 26 decembro

 Fotografar un espazo de arte contemporánea, camiñar na procura da mirada persoal arredor das exposicións e do edificio de Álvaro Siza ou o parque de San Domingos de Bonaval é a proposta do fotógrafo Fuco Reyes (Santiago de Compostela, 1965) para esta sesión de achegamento que vincula imaxe e arquitectura.  

 

28 xaneiro - 1 febreiro

O principal obxectivo do seminario Arte e subxectividade é evitar que se cree unha única vía de pensamento sobre o universo artístico. Para iso traballaremos cunha idea que considero fundamental: a política como ética e a ética como política. A ética tratada sen sentido moral e a política no sentido máis totalizador, como elemento de enfrontamento e cuestionamiento da codificación da realidade alienante e superestruturada da actualidade.

No Mercado da Estrela atoparás talleres creativos, actuacións musicais, teatro e sorpresas para grandes e cativos nunha fin de semana única. Un espazo onde os novos creadores galegos exhibirán e venderán o seu talento nas vésperas de Nadal para que os seus produtos se convertan en orixinais e innovadores agasallos. Moda, complementos, cerámica, ilustración, fotografía, repostería e moito máis nun mercado navideño que amplía a súa oferta cun atractivo programa paralelo de cultura e ocio.

Esperámosvos o sábado 15 e o domingo 16 de decembro de 11 a 20 horas

Toda a info, aquí

A partir do 22 de novembro o Espazo Proxectos do centro acollerá a exhibición de Ex Machina, o traballo fotográfico de Fuco Reyes.

"As fotografías que compoñen este proxecto realizáronse coa idea de formular estas preguntas e coa esperanza de producir algunhas respostas. As preguntas seguen xurdindo, as respostas vanse modificando na miña cabeza mentres salto dunha imaxe a outra e me decato de que as máquinas deixaron de selo para converterse noutra cousa. Aínda non teño moi claro en que se transformaron, pero en algo diferente... sen dúbida".

Vindeiras citas: sábado 24 de novembro, cAuSal. I Encontro internacional de composición coproducido coa Universidade de Santiago de Compostela; domingo 25 de novembro Ensaios abertos de Vertixe Sonora Ensemble e martes, 27 de novembro, Concerto de Vertixe Sonora Ensemble  efémero*

maio - novembro

O ciclo Música e arte: correspondencias sonoras continúa o seu diálogo entre a música e a arte do noso tempo a partires das exposicións que cada tempada se desenvolven no CGAC, centro que no 2012 se constitúe nun verdadeiro espazo de creación musical. Vertixe Sonora, a ensemble encargada de organizar o ciclo, comisiona novas creacións a compositores de prestixio do panorama internacional coa premisa de transitar polas encrucilladas propostas polo Centro Galego de Arte Contemporánea. Nesta relación entre música e arte conviven creadores de diferentes nacionalidades e culturas, e teñen cabida todas as expresións creativas actuais. O obxectivo é coñecer de primeira man as estéticas máis avanzadas, os compositores máis relevantes e as perspectivas de desenvolvemento máis interesantes da nova música.

Vindeiras citas: sábado 24 de novembro, cAuSal. I Encontro internacional de composición coproducido coa Universidade de Santiago de Compostela; domingo 25 de novembro Ensaios abertos de Vertixe Sonora Ensemble e martes, 27 de novembro Concerto de Vertixe Sonora Ensemble  efémero*

31 outubro

O seminario Surrealismo e cinema experimental desenvólvese arredor da mostra Eugenio Granell e o cine: unha película de vinte minutos, que se centra na produción fílmica do artista e completa un percorrido expositivo trazado na cidade de Santiago de Compostela con motivo do centenario do seu nacemento, ofrecendo unha visión poliédrica dun dos creadores e intelectuais máis completos da escena plástica da segunda metade do século vinte.

31 outubro

Na véspera do Samaín, o artista madrileño Jack Mircala chega ao Centro Galego de Arte Contemporánea cargado coas súas cartolinas, lapis de cores, pegamentos, tesoiras e cutters, e disposto a desvelar os segredos que o converteron nun dos ilustradores máis orixinais do panorama español. O CGAC exhibirá asemade Baixada a Esquela, unha mostra das pequenas pezas tridimensionais que forman parte do proceso de creación deste artista. Caixas nas que constrúe escenarios a base de cartolinas e que despois fotografa —sen retoques nin trucos dixitais— para trasladar ao papel e ilustrar historias máxicas que, combinadas con textos de creación propia, nos levan a un fértil e infinito imaxinario persoal. Acompañados polo artista, os rapaces e rapazas asistentes ao taller visitarán a exposición e poderán analizar as claves do traballo de Mircala e descubrir as posibilidades dos materiais máis sinxelos e accesibles.

o agora xa foi e o denantes será

26 octubre 2012 - 17 febreiro 2013

Observar, recompilar, indexar, coñecer, recrear. Nunha obra marcada por xestos silenciosos, Fernando Casás (Gondomar, Pontevedra, 1946) mantén unha relación de curiosidade permanente coa natureza. Os vestixios do paso do tempo, os estados e formas entrópicas en permanente mutación, atopadas na profundidade da selva tropical ou na exuberante paisaxe galega, determinan unha traxectoria creativa de máis de corenta anos. Entre Brasil, onde iniciou a súa práctica artística, e a súa Galicia natal, esta exposición antolóxica dá visibilidade a unha obra cunha determinación especulativa e conceptual singular, que tanto se pode materializar en procesos pictóricos ou escultóricos, como en accións efémeras e intervencións específicas, como será o caso das obras inéditas creadas para as salas do CGAC.

8 - 30 novembro

Un ano máis o CGAC únese á celebración de CINEUROPA na súa XXVI edición. Un festival onde o cinema comprometido e de calidade chegado desde todos os recunchos do planeta permite mergullarse noutras culturas e coñecer de preto outras realidades para obter unha visión máis ampla do mundo.

Toda a info, aquí

23- 31 outubro

Organizadas conxuntamente polo Centro Galego de Arte Contemporánea, a Universidade de Santiago de Compostela, o Auditorio de Galicia e o Concello de Santiago, estas xornadas constitúen un exemplo de diálogo entre institucións esenciais da cidade de Santiago e contan tamén coas colaboracións fundamentais do Consorcio de Santiago, o Consorcio para Promoción da Música da Coruña, a Cidade de Cultura, a Xunta de Galicia, o Conservatorio Profesional de Música de Santiago, o Conservatorio Profesional de Danza de Lugo e o Centro Nacional de Difusión Musical.

22-23 setembro e 3-4 novembro

Dirixido por Ángel Faraldo

Con esta iniciativa preténdese formar un grupo de creación dixital colectiva no que se reúnan compositores, instrumentistas, artistas sonoros e/ou visuais, e persoas interesadas no eido da música contemporánea na súa máis ampla acepción. O contorno de programación musical Pure Data (Pd) servirá como base para presentar e explorar unha serie de técnicas e ferramentas para a creación de música electrónica experimental, que os participantes poderán manipular, alterar e expandir ao longo das sesións na busca de solucións persoais.

Impartido por Carlos Tejo

28-29 setembro e 5-6 outubro

O corpo transparente é un taller de creación artística que, tomando como punto de partida o traballo desenvolvido pola artista donostiarra Esther Ferrer e as súas reflexións acerca da performance, ten como obxectivo fundamental compartir un tempo de experiencia creativa baseado na importancia do presente e na natureza comunicativa das prácticas performativas.

13 xullo - 4 novembro

Eugenio Granell e o cine: unha película de vinte minutos é unha exposición concibida pola Fundación Eugenio Granell para o Centro Galego de Arte Contemporánea con ocasión do centenario do nacemento do artista. A mostra, centrada na súa faceta de cineasta, forma parte dun proxecto no que participan varias institucións da cidade de Santiago e que ofrece unha visión máis ampla das diferentes vertentes do traballo deste creador multidisciplinar.

AMPLIADA ATÉ O 7 DE OUTUBRO

6 xullo

“O accidente é parte da performance”. “Cando o concepto está espido e toda a xente o pode ver, a idea ten que ser boa”. “Cando todo está controlado pola institución xa non hai liberdade”. “Non fago arte para o outro, fago arte para min”. “A arte é o único espazo de liberdade”... Estas frases de Esther Ferrer, recompiladas durante anos de conversas, preséntannos unha artista radical, independente, anti-exposición, libre e con ideas propias. Iso todo converteuna desde o inicio do seu traballo como artista, que é o mesmo que dicir desde que empezou a facer calquera cousa, nunha persoa incómoda e admirable, nun exemplo para todos e á vez en alguén difícil de axustar aos roles asignados a un artista polo sistema artístico actual.

Visitas previa solicitude no mostrador de recepción.

Dan Graham pertence á primeira xeración de artistas conceptuais da década de 1960. Investigando sobre os posibles lugares para a arte e o seu discurso, comezou a traballar coa linguaxe, utilizando páxinas de revistas como material base e modo de distribución, e ao mesmo tempo traballando como galerista durante un ano. Emporiso, Graham mostrou desde o principio un grande interese pola arquitectura e a súa función social e potencial, como pode observarse, por exemplo, na serie de fotografías para a revista Homes for America. Para este traballo, tomou imaxes documentais das típicas vivendas unifamiliares de zonas residenciais norteamericanas [...].

5 xullo

Ao abeiro do seu proxecto expositivo no CGAC, En catro movementos, a artista donostiarra Esther Ferrer realizará unha performance o vindeiro xoves, 5 de xullo ás 20 horas.

A entrada será libre até completar aforo.

10 xullo - 10 agosto

Como cada ano, o CGAC organiza unha nova edición dos talleres de lecer nos meses de xullo e agosto, con propostas de creación inspiradas nas exposicións que vai acoller o centro durante o verán.

Os talleres terán unha duración de catro días durante os cales os asistentes poderán reflexionar sobre a importancia da arte para comprender o mundo arredor e han ter a oportunidade de se implicar nos procesos creativos da man dos propios artistas, de xogar, de coñecer, de comunicarse e de experimentar arredor das múltiples linguaxes, soportes, técnicas e conceptos da arte máis actual.

12 xullo - 30 setembro

Algo máis de cor. Terapia habitación de hospital é un proxecto de investigación artístico-terapéutico que comprometeu diferentes institucións e grupos de persoas e procurou a transformación do contexto hospitalario e as complexas relacións que as familias tecen nel a través da arte. Unha intervención na comunidade baseada en accións de creación-terapia que permitiron achegar a arte contemporánea aos usuarios do hospital como unha experiencia vivida.

A biblioteca do centro acollerá o xoves 14 de xuño ás 20 horas a conferencia O contrato curatorial: analoxías e casos de estudo. Será impartida por Latitudes, oficina curatorial independente integrada por Max Andrews e Mariana Cánepa Luna con sede en Barcelona.

abril - xuño

Retomamos o CICLO DE VISITAS GUIADAS POR PROFESIONAIS. Entre os meses de abril e xuño as exposicións De la generosidad. Colección Fundación Helga de Alvear, Rafel G. Bianchi. La bandera en la cima e Gravity & Disgrace Ep. I serán analizadas por historiadores, críticos, fotógrafos, comisarios, escritores e galeristas.

30 marzo - 1 xullo

Parafraseando o título da exposición Gravity & Grace. The Changing Condition of Sculpture 1965-1975, que tivo lugar en Londres en 1993, Gravity and Disgrace Ep. 1 parte do principio de inestabilidade procesual e teórica que caracteriza a contemporaneidade para suxerir unha reflexión sobre as instancias creativas que representan un mundo en mutación vertixinosa. Así, as obras que se presentan neste primeiro episodio dun evento que se desdobrará noutros momentos expositivos, editorais, e de reflexión teñen a súa raíz en prácticas que cuestionan as condicións contemporáneas de construción social, e contrapoñen á idea de equilibrio e harmonía as máis proficuas interrogacións en canto proceso, a fluidez contextual como ferramenta crítica e a revisión das aporías do modernismo como elemento fundamental dunha comprensión más ampla de presente.

SEN MOVERTE DO SOFÁ

maio - xuño

O CGAC presenta o proxecto Sen moverte do sofá (proxecto orixinal de Arquitectives). Unha serie de talleres de arquitectura que pretenden dar a coñecer aos participantes diferentes cidades coa axuda doutros compañeiros do territorio español que, coma eles, forman parte do traballo. A través de conexións virtuais, os aprendices de arquitectura, investigan e intercambian información sobre os parecidos e as diferenzas entre as urbes; a súa historia, estrutura, modelos de crecemento e singularidades, que axudan a entender, de xeito global, os lugares que habitamos.

NOTA: O prazo de inscrición non dará comezo até o día 21 de maio

23 - 25 maio

Nos últimos anos, en paralelo á consolidación dun sistema institucional da arte, estamos a asistir ao nacemento de propostas colectivas de produción cultural catalogadas de alternativas ou independentes. O alternativo defínese aquí por contraposición ao institucional (cultura administrada desde unha estrutura estable e profesionalizada), malia que en moitos casos se pode dar un diálogo frutífero entre estes dous ámbitos. A actualidade do fenómeno e a renovación nos parámetros da historia e a teoría da arte están a facer volver a atención cara a espazos e movementos alternativos doutros tempos, en especial os xurdidos nos anos setenta.

10 maio

O colectivo dedicado ás artes escénicas trasPediante, ofrecerá aos escolares Baleadas, unha peza escénica con danza, poesía e animación audiovisual construida en directo, con momento de visionado en anaglifo(3D).

O sábado, 31 de marzo ás 18 horas, presentación de A modo de conclusión de Misha Bies Golas. O acto contará coa intervención de George Varela e o concerto da banda Diadermin.

27 xaneiro - 13 abril

O Centro Torrente Ballester de Ferrol acollerá dúas exposicións realizadas con fondos da Colección permanente do CGAC: Miradas cinematográficas. Colección CGAC e Pouco antes da tormenta cómpre un pouco de humor.

Organizadas conxuntamente polo Centro Galego de Arte Contemporánea e o Centro Torrente Ballester e concibidas pola comisaria e crítica de arte Mónica Maneiro, ambas as mostras que exploran a influencia do cinema noutros ámbitos da creación artística contemporánea, poderán ser visitadas nas salas do centro ferrolán a partir do 27 de xaneiro e até o vindeiro 13 de abril.

Como clausura da exposición Jeff Wall. O sendeiro sinuoso, o sábado, 25 de febreiro, o CGAC celebrará unha noite de portas abertas, na que os visitantes poderán disfrutar da mostra desde as 22 horas até a 1 da madrugada.

Ademais, convidamos os Djs galegos Miguel Prado (AC Fase) e Julio Gómez (Sinsalaudio) a poñer sons a esta espectacular colección de imaxes. Para a ocasión, a obra do artista canadense guiará unha selección musical que, a través de diferentes xéneros e tendencias, desde a música concreta até os novos sons do século XXI, continúa retroalimentándose do clasicismo como fonte de inspiración.

En vindeiros días teremos novas citas dentro do ciclo de visitas guiadas conducidas por profesionais do ámbito cultural e artístico para a exposición Jeff Wall: O sendeiro sinuoso.

O DOG (Diario Oficial de Galicia) do 11 de xaneiro anuncia a licitación mediante procedemento aberto da contratación administrativa especial para a xestión da cafetería do CGAC.

Toda a información, aquí

12 novembro - 26 febreiro

O Centro Galego de Arte Contemporánea acollerá a exposición Jeff Wall. O sendeiro sinuoso, comisariada por Joël Benzakin, organizada polo Centro de Belas Artes de Bruxelas (Bozar) en colaboración co CGAC, entre o vindeiro 12 de novembro de 2011 e o 26 de febreiro de 2012. A mostra ocupará todos os espazos expositivos do edificio.

O CGAC inicia unha nova convocatoria dos talleres de nadal, unha actividade xa clásica na programación do centro durante os meses de decembro e xaneiro. A oferta inclúe dous obradoiros que, centrados na fotografía e a arquitectura, procuran público de entre 7 e 12 anos.

En colaboración coa USC (Universidade de Santiago de Compostela), o CGAC presenta unha exposición na Igrexa da Compañía cunha serie de obras da Colección Fundación ARCO, Colección IFEMA e Colección permanente CGAC.

A obra Mystique de Carles Congost abre esta exposición que pretende dialogar coa igrexa, a través dunha serie de obras de arte contemporánea que nos levan a ese concepto tanto relixioso como filosófico e literario que é o místico: experiencia moi difícil de acadar na que se chega ao grao máximo de unión da alma humana co Sagrado.

Un ano máis o CGAC únese a celebración de Cineuropa, o festival cinematográfico compostelán que neste 2011 cumpre o seu 25 aniversario.

As proxeccións terán lugar no auditorio do centro entre o 15 de novembro ao 2 de decembro. Podedes consultar toda a información sobre horarios e títulos no sitio web do festival.

Este xoves ás 19.30 horas o auditorio do centro acollerá unha conversa do artista Jeff Wall xunto a Joël Benzakin, comisario da mostra, e Miguel von Hafe Pérez, director do centro. A entrada será de balde até completar aforo.

Ao abeiro da inauguración da nova edición do Máster en Arte, Museoloxía e Crítica Contemporáneas da USC (Universidade de Santiago de Compostela), o profesor José Luis Molinuevo impartirá unha conferencia  titulada O corpo da imaxe o vindeiro xoves, 3 de novembro ás 19 horas. Molinuevo, catedrático de Estética e Teoría da Arte na Universidade de Salamanca, abordará temas como a complexidade das imaxes no século XXI e o rol que xoga o espectador con respeto a elas.

O vindeiro 2 de novembro ás 21h, dentro do ciclo de concertos de pequeno formato comisariados por Sinsalaudio, o auditorio do CGAC acollerá o concerto da mítica banda na escena independente L´Enfance Rouge.

Entrada de balde até completar aforo.

En colaboración co Festival Internacional de cine euroárabe de AMAL o CGAC acollerá o ciclo de curtametraxes experimentais entre o 22 e o 23 e do 25 ao 29 de outubro. As proxeccións terán lugar, de xeito ininterrompido, de 16 e as 20 horas no auditorio do centro. Entrada libre até completar aforo.

O martes, 11 de outubro, o auditorio do CGAC acollerá o segundo dos concertos do ciclo Perspectivas do Ensemble, inaugurado o pasado mes de maio. O programa desa noite inclúe dúas obras de George Cumb e Luciano Ferio que exploran linguaxes modernas e que teñen como fonte de inspiración dous temas comúns a numerosos compositores: a natureza e o folclore.

O concerto dará comezo ás 20. 30 horas e a entrada é de balde até completar aforo.

O xoves, 29 de setembro, o auditorio do CGAC acollerá a presentación de Leccións de Cousas, a publicación editada por mor da exposición homónima de Antón Reixa.

17 xuño - 16 outubro

Figura senlleira no contexto cultural galego, Antón Reixa (Vigo, 1957) non se deixa clasificar doadamente. O que mellor o define é a súa relación umbilical coa linguaxe e cos modos de se converter esta en instrumento de creación poética e de comentario sociopolítico, en soporte dunha actividade musical que definiu un territorio único na emerxencia de rupturas no panorama galego e nacional dos anos oitenta, primeiro con Os Resentidos e despois con Nación Reixa ou en aventuras en solitario, e, finalmente, en áncora de traballos multimedia que son o motivo da exposición que agora presenta no CGAC.

31 maio - 16 outubro

A exposición Cómo nos miran reúne fondos da colección permanente do CGAC e a colección Fundación ARCO. Con obras que abranguen un período de case trinta anos -de 1970 a 2007- e con autores de xeracións e xeografías distintas, a mostra incide sobre os modos nos que a (auto)representación se manifesta como proceso de cuestionamento de convencións historicamente construídas.

20 maio - 18 setembro

Esta exposición, presentada no MACBA a principios do 2011, chega ao CGAC co propósito de mostrar ao público compostelán como formas moi diversas de comprender a imaxe e a vida dos conceptos contribuíron a debuxar o horizonte do noso presente cultural.

O ciclo Cines de Afganistán ten entre os seus obxectivos omitir os imaxinarios sociais a miúdo instrumentalizados a través dos patróns visuais que impoñen os medios de comunicación convencionais, cuxa percepción, en canto se refire ás mulleres afgás, tende a segregar as distintas realidades e situacións que viven e, en consecuencia, a afogar as resistencias como posibilidades para xerar un futuro propio.

Para nenos e nenas de 5 a 13 anos

Como todos os anos o CGAC presenta a súa oferta de talleres para nenos e nenas durante o verán, nesta ocasión organizados para o mes de xullo. Con eles invitamos os pequenos a participaren en diversas experiencias artísticas en relación coa arte contemporánea, que é moito máis que simple visualización, polo que traballarán con sensacións, estímulos e reflexións culturais, buscando as súas propias formas de expresión, dirixidos por dúas profesionais da arte contemporánea en relación coa educación e a infancia. Neves Seara é licenciada en Belas Artes, artista plástica, escenógrafa e directora de diversos talleres artísticos para nenos. Amabel González é comisaria independente, asesora e crítica de arte, ademais de educadora de museo e investigadora da historia do graffiti en Galicia.

O VISIBLE E O VISUAL

11-12 xullo

O CGAC invita a artistas profesionais ou en formación a participaren nun encontro con Ignasi Aballí, no cal se debaterá acerca da importancia e da hexemonía do visual sobre outros sentidos no mundo contemporáneo. A presenza e mais a produción compulsiva de imaxes fan necesaria unha reflexión sobre como desde a arte se poden abordar as cuestións da visibilidade, adoptando un punto de vista crítico e unha actitude de resistencia e cuestionamento fronte ás dinámicas dominantes. Se o concepto de “o visible” fai referencia a todo o que percibimos a través do sentido da vista, o de “o visual” suporía a análise e a reflexión acerca de  como a arte toma posicións fronte á produción de novas imaxes e a súa función nun mundo tan saturado delas. No encontro debaterase sobre a exposición No aire que Ignasi Aballí inaugurará na Fundación RAC de Pontevedra uns días antes e a súa relación con outros proxectos anteriores, e sobre o traballo dos participantes no mesmo.

26 maio

A proliferación de equipamentos culturais por toda a xeografía ibérica xerou un mapa aparentemente amplo de puntos de produción artística. A abundancia de salas de exposicións, centros e museos de todas as escalas indica un investimento moito maior do que en épocas pasadas. Aínda que, desde o punto de vista económico, o impacto destas institucións resulta incuestionable, a súa capacidade de xerar ou acoller propostas innovadoras, que supoñan un avance nos coñecementos e nas prácticas artísticas, vese en certo modo coutada por uns modelos de xestión pactados e unha énfase evidente na arte consagrada.

maio - xuño

Novas citas dentro do programa de visitas guiadas conducidas por profesionais do ámbito cultural e artístico

18 maio

O mércores 18 de maio ás 21 h, con motivo do Día Internacional dos Museos, a kosmische-queen Laurel Halo inaugurará un ciclo de concertos de pequeno formato comisariados por Sinsalaudio, que o CGAC organizará durante o 2011.

CICLO NOVO CINEMA GALEGO

28 abril - 16 xuño

O éxito do filme Todos vós sodes capitáns na Quincena de Realizadores de Cannes 2010, co seu director, o galego Oliver Laxe, convertido no único representante español no festival, puxo de manifesto a existencia dunha nova xeración de creadores cinematográficos no noso país. As obras máis interesantes, as que teñen maior repercusión fóra de Galicia, están feitas á marxe da industria por un grupo heteroxéneo de autores novos, con intereses e actitudes moi diversas, mais con certos puntos comúns que autorizan a pensar en termos xeracionais. Autores que rachan cunha liña continuísta empeñada en seguir fórmulas industriais que hai anos que se demostraron caducas, non xa no que atinxe aos seus méritos artísticos senón tamén no que se refire á súa viabilidade financeira nun momento de cambio de paradigma coma o que estamos a vivir.

4 febreiro - 1 maio

Despois de se presentar na Fundaciou Antoni Tàpies, o Centro Galego de Arte Contemporánea acolle a primeira exposición retrospectiva no ámbito europeo da artista brasileira de orixe italiana Anna Maria Maiolino (Scalea, 1942), cuxa obra constitúe un referente para artistas de distintas xeracións, tanto no seu país como a escala internacional.

25 febreiro - 8 maio

No longo periplo da abstracción, que logo vai cumprir un século da súa partida, foi constante a súa deriva en dous sentidos opostos e complementarios, ben polo camiño que prima a expresión inmediata, espontánea e direta, ben polo que se orienta segundo o cálculo, o rigor e a norma. Resulta constatable que nas dúas últimas décadas, pintores procedentes de tradicións nacionais tan diferenciadas como Richard Aldrich, José Loureiro, Nico Munuera e Juan Uslé coinciden, no entanto, nun entendemento común que sustenta as súas prácticas nunha base racional, que non constitúe nunca un sistema impositivo e pechado, e que se abre ao pulo momentáneo e impensado do artista.

25 febreiro - 29 maio

A actividade de Fernando Jose Pereira, que comprende varios medios e se desenvolve esencialmente a partir da década de 1990, privilexiou a instalación e o vídeo como mecanismos dunha revisión crítica da propia crítica institucional. Consciente das limitacións de moitas propostas que se estruturan a partir da ambigüidade que supón traballar criticamente sobre o aparato institucional desde unha falsa exterioridade, este autor prefire unha interacción activa cos modelos, consciente desde o inicio de que estes están demasiado codificados e simbolicamente cargados.

No ano 2011 van ser tres as mostras do CGAC que terán o seu contrapunto musical no ciclo de concertos deseñado por fonos21: unha exposición sobre a artista italobrasileira Anna Maria Maiolino, producida pola Fundacióp Tàpies en colaboración co CGAC e o Malmö Honsthalle; unha mostra colectiva titulada Estades preparados para a televisión? e coproducida polo CGAC e o MACBA de Barcelona, e por último, a mostra individual do artista norteamericano Jeff Wall, que pechará o programa anual de exposicións.

ALGO MÁIS DE COR. TERAPIA HABITACIÓN DE HOSPITAL

Este proxecto, organizado xunto á Asociación Cultural Sen Marco, trata de aplicar as teorías artísticas de Mónica Alonso e nace co desexo de poñer as manifestacións artísticas contemporáneas ao servizo dos nenos e nenas hospitalizados/as e dos seus familiares, nun intento por mellorar a súa calidade de vida durante unha situación sempre difícil. Ao involucrar os nenos e nenas no proceso creativo que supón a realización dunha obra de arte facilítase a súa estadía e lecer, ao tempo que se promove un proceso de aprendizaxe e aproximación á creación contemporánea que, á vez, implicará outras persoas relacionadas con eles (familiares, médicos, persoal hospitalario) e repercutirá directamente na mellora desa experiencia.

O CGAC organiza un seminario dirixido a docentes de educación primaria, e educadores sociais e de museos que orienten o seu traballo cara á busca de espazos de intersección entre os ámbitos da arte e da educación. Partindo dunha revisión crítica, Ana Angélica Albano explicará algúns dos proxectos sociais de iniciación artística que desenvolveu en diversas comunidades do Brasil. Espazos de posibilidades para a aprendizaxe, a experimentación e o diálogo, creados a partir da disolución dos límites de ambas as dúas áreas, e que converten a educación artística en eixe aglutinador de materias e impulsor da diversidade cultural.

18 novembro - 13 febreiro 2011

O Centro Galego de Arte Contemporánea (CGAC) e a S. A. de Xestión do Plan Xacobeo presentan unha exposición titulada Transtempo, e constituída por unha selección de imaxes de Cristina García Rodero tomadas en terras galegas entre 1974 e a actualidade. A través deste conxunto de fotografías a artista ofrece, por primeira vez de xeito estruturado, a súa persoal visión dunha Galicia intemporal, onde a relixión e os ritos pagáns se entrelazan nun relato que atravesa varias xeracións.

COLABORACIÓN CON CINEUROPA

16 novembro - 3 decembro

O CGAC acollerá en vindeiras semanas varias proxeccións de documentais sobre artistas plásticos portugueses e españois. O ciclo intégrase dentro da programación de Cineuropa, festival co que o centro volve colaborar nesta XXIV edición.As fitas seleccionadas son un total de dez e as súas proxeccións, con entrada de balde, terán lugar no Auditorio do CGAC, entre o martes 16 de novembro e o venres 3 de decembro.

22 outubro - 2 xaneiro 2011

Comisariada por Isabel Carlos, Tempo suspenso é a maior mostra individual algunha vez presentada polas artistas británicas Jane & Louise Wilson en España. A exposición parte da primeira obra en vídeo das artistas, Hypnotic Suggestion 505, de 1993, até a máis recente, Songs for My Mother de 2009.

1 outubro - 28 novembro

O proyecto de Rubén Santiago enmárcase dentro do evento de arte pública A cidade interpretada, unha iniciativa da Concelaría de Cultura do Concello de Santiago de Compostela coproducida nesta segunda edición co Xacobeo e co CGAC.

9 xuño - 19 setembro
MARCO

A exposición 89 Km. Colección CGAC reúne unha selección dos fondos da Colección do Centro Galego de Arte Contemporánea, comisariada por Virginia Torrente. Un conxunto de 84 obras de 63 artistas, que inclúe pezas en distintos soportes —pinturas, debuxos, fotografías, vídeos, instalacións, esculturas, maquetas, etc.—, moitas delas descoñecidas para o público, que viaxan a Vigo con ocasión desta mostra, no que supón unha experiencia única de colaboración entre ámbalas dúas institucións.

28 maio - 5 setembro

O proxecto In Search of the Miraculous: trinta anos despois céntrase no derradeiro episodio dunha vida creativa que estivo marcada polo risco e pola aventura: o Ocean Wave, o bote no que o artista Bas Jan Ader se dispuxo a desafiar a natureza até as súas últimas consecuencias na súa obra póstuma en xullo de 1975, foi atopado meses despois, semiafundido, no caladoiro do Gran Sol, polo barco pesqueiro Eduardo Pondal, con base no porto da Coruña. Este acontecemento resulta fundamental para comprender as circunstancias da súa desaparición e constitúe o núcleo da exposición proposta.

16 abril - 27 xuño

Logo das retrospectivas dedicadas a Giovanni Anselmo (1995) e Giuseppe Penone (1999), o CGAC acollerá unha exposición en colaboración co MAMbo (Museo d´Arte Moderna di Bologna), que percorrerá a traxectoria creativa de Gilberto Zorio desde os seus inicios até a actualidade.

CORRESPONDENCIAS SONORAS
abril-decembro 2010

Baixo o título Música e arte. Correspondencias sonoras, o CGAC presenta o segundo ciclo de concertos que ao longo de 2010 e, en relación con diferentes exposicións, ofrecerá a posibilidade de coñecer o traballo de cinco formacións musicais de características ben diferentes. O deseño deste ciclo vén da man de Fonos21 que a partir de cinco exposicións do CGAC buscou a relación con outras tantas propostas musicais.

OS NOSOS COMPOSITORES. PERSPECTIVAS DE ENSEMBLE
marzo - decembro 2010

O CGAC organiza durante 2010 dous ciclos de concertos de música contemporánea que pretenden, por unha parte, difundir o traballo de creadores galegos amosando a diversidade das linguaxes compositivas e, por outra, xerar relacións entre diferentes manifestacións artísticas: a música e as artes visuais.